مزارستان
یازار : amirreza | بؤلوم : تورك شعری
+0 به یه ن
بیر گون یولوم دوشدی مزارستانا
ایله حس ایلدیم دوران یاتبدی
گوردوم انسانلاری سسیز صداسیز
بیلدیم دن قورتاریب درمان یاتبدی
سویكدیم بیر داشا ناتوان دیزی
زیارت ایلدیم اخر اویمیزی
گوردوم دار قبرده ظالم چنگیزی
ایلیب دنیانی ویران یاتبدی
ایستدیم قایدام ایاق دایاندی
باخدیم بیر قبره اورگیم یاندی
دنیانی ترك ادیب بیر آز زماندی
یار وصلین گورممیش جوان یاتبدی
حیرصدن دیشلریم بیر بیرین یدی
گوزوم گاه اغلادی گاه گولومسدی
داشین اوستوند كی یازیلار ددی
شاعر آستا یری انسان یاتبدی
القانا بویادی دیشیم دوداقی
هر ندن چتیندی اولاد فراقی
گوردوم بیر قبرده خیردا اوشاقی
اناسینان اوزاق گریان یاتبدی
اویما بو دنیانین پیس مرامنا
دنیا سلیمانلار چكمیش كامینا
یولچی تعنه ورور شاه مقامنا
اقادان یوخاری چوبان یاتبدی
اوردا هیتلر دوروب جنایت اتمز
یولداش یولداشیا خیانت اتمز
یوخسولوخ بیر كسی خجالت اتمز
توپراق ایچینده هامی یكسان یاتبدی
توپراق آلتیندا اریب بدنلر
گلدیگیم ندندی گتدیگیم ندن
بیریسی تابایپ اوچ قارچ كفن
قراندریق مكاندا عریان یاتبدی
اوردا نه جلاد وار نه دار آغاجی
قارداشین تانمور اوردا خان باجی
دونوب یار یارینا باخمور قیقاجی
اداسیز عشوسیز جیران یاتبدی
تپراق التیندا گوردوم من آیرلمازی
گلیب گتمگینه حیران یاتبدی