سلطانیدر
یازار : amirreza | بؤلوم : تورك شعری
+0 به یه ن
اول پریوش كیم ملاحت ملكینین سلطانیدر
حكم اونون حكمیدر فرمان اونون فرمانیدر
سوردی مجنون نوبتین ایندی منم رسوای عشق
دوغری دئرلر هر زمان بیر عاشقین دورانیدر
لحظه لحظه گونلوم اودوندان شررلردر چخان
قطره قطره گوز توكن سانمیش سرشگیم قانیدر
چاكلر جسمیمده تیغ عشقیدن عیب ائتمه یوز
كیم جنون گلزارینین بونلار گلی خندانیدر
ای فضولی اولدی كیم رحم ائده یار افغانینا؟
آغلا زار آنجاق كیم زار آغلاماق امكانیدر
شاعر: محمد فضولی