یار آرالی من آرالی
یازار : amirreza | بؤلوم : تورك شعری
+0 به یه ن
یار گؤزونه وورولموشام یار یارالی من یارالی
پاییزدا یاپراق كیمینیق یار سارالی من سارالی
هر نه یازان ایلقاریمیز ایندی پوزولماقدادیلار
هئچ دئمیری كیمسه یازیب یار یازالی من یازالی
یوللارا باخدیم نقه دهر توز قوپاران گلمه دی یوخ
آی نه اولار كی گئجه لر یار پارالی من پارالی
داغ قازارام بولسم اگر داغ منه یول وئرمییه جاق
عشقه گركدیر یاناسان یار اودالی من اودالی
عؤمروموزه دایان دئدیق چون كی عؤمور شیتابدادیر
هئچ اینانانمام كی داها یار قارالی من قارالی
آنجاق اجلدیر كی گه لر آیری سالار بیزلریده
ایندیده عؤمروم قوتاریر یار آرالی من آرالی
«آراز»