آنا
یازار : amirreza | بؤلوم : تورك شعری
+0 به یه ن
آنامین باغریندان آیریلا بیلمم
قویما اوشاقلاری آغلار آ داغلار
آنامین میضرابین آلما ألیندن
میضرابا گؤز دیكیب آغلار آداغلار
میضرابی آلمیسان ساز نه دن دی بس؟
آناسیز روح گئدر بو بدن دی بس
دونیایا كیم گلیب او گئدن دی بس
ساز سیز اوركلری داغلار آ داغلار
لای لاسی ساز سسی،قولاخدا آخیر
سسی بیر ایلدیریم ایللردی شاخیر
گؤزوم یوللارینا گؤز دیكیب باخیر
كیم اونون ایزلرین ساخلار آ داغلار؟
آناسیز آرزی لار محو اولوب ایتیب
هاردا كی وارسا او آرزی لار بیتیب
بولمورم،ائله كی گؤز گؤزه دیكیب
آغیزدا دیلیمی، باغلار آ داغلار
من سه گؤناهكارام سن باغیشلا سن
كؤنلومه بیرده یاغ سن یاغیشلا سن
اؤزومی اؤزومدن آل باخیشلا سن
أریمز دئییرسن ، قارلار آ داغلار؟
دئینه آراز آتیل بوغول آرازدا
یا اؤل قوتار یا كی دوغول آرازدا
دئینه آنا باخ بو اوغول آرازدا
بس سونا گلمه جك دارلار آ داغلار؟
سؤزوم بوكی وطن منه بیر آنا
هركسه نین جوتدی گركدیر آنا
بیری وطن بیری دوغاندیر آنا
كیم آنامی، مندن آلار آ داغلار؟
آنا آیریلیقی، آغیر آرازا
اوتای بوتای بیر آنادیر آرازا
دوشمن گلیب قان قانادیر آرازا
اینتیقامین كیم بس آلار آ داغلار؟
من آرازام،جوشماق، منه یاراشیر
بو شعرلری قوشماق منه یاراشیر
آزاد اولوب اوشماق منه یاراشیر
كیم منی اوشماقدان،سالار آ داغلار؟
«آراز»