عشق عالمی
یازار : amirreza | بؤلوم : تورك شعری
+0 به یه ن
عشقین نه قدر عاشیق اوچون لیذذتی اولسا
هئچ آیریلیقین جؤرئتی اولماز اونی آلسین
گر عاشیق اؤزون سالمییا هر رنجی بلایه
مومكون دگیری عشق اوتی گئتدیقجا اوجالسین
عشق آتشینی سئل ده گله سؤندوره بولمز
عشق عالمینه هركه گله یوخدی آرالسین
كیمسه یئتیشیب عشقینه، كیملر اونی گؤرموش؟
كیمسه آرالانسا اوره گی سونرا قارالسین
پروانه كیمی هر كه تاپا شمعینه یانسا
ایستی اوتونان یانسا گینه قوی هله یانسین
هركس دیگه من عاشیق اولوب چكمه میشم غم
بولسون كی اونون عشقی یالاندیر یاوالانسین
قورخون اوره گیندن آتاسان عشقی بیلرسن
عشقین سؤزیدیر قورخو اولانلار آرالانسین
«آراز»