بهانه سیز
یازار : amirreza | بؤلوم : تورك شعری
+0 به یه ن
بهانه سیز
گئتمك ایستییرسن بهانه سیز گئت
اویاتما مورگوللو خاطره لری
سسین همین سس دیر باخیشین اوگی
گئدیرسن سسینده یاد اولسون باری
یوللار تك دوشنیم آیاقلارینا
سنه یالواریم می؟ بو ممكن دئیل
قویمارام قلبیم تك وقاریم سینا
آلچالیب یاشاماق عمر و گون دئیل
دئمیرم سن اوجا بیر داغسان اییل
دئمیرم علاجیم قالیبدیر سنه
نه سنده محبت قارا پول دئیل
نه من دیلنچیم ال آچیم سنه
گئتمك ایستییرسن او یول اودا سن
بیر جوت گوز باخاجاق دالینجا آنجاق
گئتدین می ؟بیر داها دونمك ایسته سن
تیكانلی یاستیغا دونه جك یئرین
گئتمك ایستیرسن نه دانیش نه دین
یوخ اول اوزاخلار تك دوماندا چنده
نه ییمی سئومیشدین دیه بیلمه دین
ایندیسه یوز عیب گورورسن منده