هجران غمی
یازار : amirreza | بؤلوم : تورك شعری
+0 به یه ن
آلا گوزلوم سندن آیری دوشلی
هجرانین غمیله كئف ائیله میشم
آه ، وای نان گونوم كئچیب دنیادا
درد آلیب غم ساتیب نفع ائیله میشم
سندن آیری شاد اولمورام گولمورم
جانیمدان بئزمیشم اؤله بیلمیرم
نه مدت دیر قوللوغونا گلمیرم
باغیشلا تقصیریم سهو ائیله میشم
حسرت قویما گوزو گوزه آماندی
یاندی باغریم دؤندؤ كؤزه آماندی
كئچن سوزو چكمه اؤزه آماندی
هزیان دانیشمیشام لاف ائیله میشم
(آشیق علسگر)