سوری
یازار : amirreza | بؤلوم : تورك شعری
+0 به یه ن
گرك هر بیر گوزله بیر دانا چركین ده یارانسین
بیری انسین یئره گوكدن بیری عرشه اوجالانسین
بیری چالسین ال آیاق غم دنیزینده
بیری ساحل ده سئوینچ ایله دایانسین
بیری ذلت پالازین باشه چكیب یاتسادا آنجاق
بیرینین بختی اویانسین
بیری قویلانسادا نعمت لره یئرسیز
بیری ده قانه بویانسین
عاصم اردبیلی
قالارقی یاشاییش
یازار : amirreza | بؤلوم : تورك شعری
+0 به یه ن
قالارقی یاشاییش
مگر من اؤله جه گم كی ، آرزولاریم بادا گئتسین
مگر بوردان گئده جه گم ، منیم آدیم یادا گئتسین
نه گؤل اؤلر نه ده دیلك ، خزانا سن باخما بئله
دنیا غصه سینی یئمه ، اؤزؤن اودا یاخما بئله
گؤرؤرسن یارپاق سارالیر دؤشؤر یئره تكه اولور
گؤردوگون او گؤزل باهار پاییزدا سارالیر سولور
بو خزانین دالیسیندا بیر قالارقی باهار واردی
او دنیا گئنیش بیر یئردی آما بو دنیا چوخ داردی
ایتگین اولمیاجاق انسان بلكه قالارقی قالاجاق
بوتون اولان لذت لری، بیر گون جانینا آلاجاق
نیه گرك خیردا اولاق ، بیزه یاراشار یكه لیق
بیز عشقدن دویانماریق مگر سودان دویار بالیق
پاریلدین گونش كیمی گرك هر یئره نور ساچاق
نه اینكی ظلمته گئدك ایشیقلیقدان قویاق قاچاق
اینان ایسته دیكلریمیز بیر گؤن یئرینه یئته جك
روزگار ووران یارالاردا بیلكی بیر زمان بیته جك
( آیدین)
دیوانی سنه
یازار : amirreza | بؤلوم : تورك شعری
+0 به یه ن
سن گؤزون گؤسته ریسَن من ده كی سئودانی سنه
من فدا ائیله ییرَم بلكه بو دونیانی سنه
سنه رویاده ده من أل تاپا بیلسم ده خوشام
ایذن وئر بیر ده دئییم شرح بو رویانی سنه
سئوماق ایسترسن اگر،تكجه اؤرَكدَن سؤز ائشیت
من خراب ائیله ییرَم عقلیله ویجدانی سنه
سنی سئوماق داكی جرم اولسا كی زیندان چكیرَم
آما ویران ائله رَم منده بو زیندانی سنه
سن یولون آیری سئچیب آیری سینا گؤز دیكه سن
من یولان قان سه په رَم،توز یاتا هر آنی سنه
یول لاران گؤز دیكیب أن شئرلری وصفینده یازیب
هدیه دیر ساخلامیشام منده بو دیوانی سنه
«آراز»
yatma oyan
یازار : amirreza | بؤلوم : تورك شعری
+0 به یه ن
گؤزَلیم یاتما هَله گؤر بو گؤزوم یوخلاییب هئچ
سَنی ایستر اوره گیم ئؤزگه یه بئل باغلاییب هئچ؟
بیلیرَم سن گئده لی گؤزلریم آغلار نه قدَر
باخ بورا ئؤزگه گئدیب اونلارا گؤر آغلاییب هئچ؟
آی گؤزوم باخ گؤزونه گؤرگؤزی یورقوندی یا یوخ
یاتماییب،آغلاییب هئچ،گؤر منه یئر ساخلاییب هئچ؟
بلكه هئچ سئومی یاجاق،سئوماق اونا هئچ یاراشیر؟
یاراشیر ألبَت اونا بلكه منه قالماییب هئچ
سیزلاییرسان نه ایچین آی یارا كؤنلوم نه ایچین؟
تك جه سن سن یاداكی آیری كؤنول داغلاییب هئچ؟
گاه گئدیر گاه قاییدیر دوز سه پیر آرتیق یاراما
آجیشیر كؤنلوم آما گؤر ئؤزی بیر سیزلاییب هئچ!
یات گؤزوم یات داها سن ، قالما اویاق ،یاتدی گؤزَل
یاتمیسان دورما داها ، چون كی وفا قالماییب هئچ
«آراز»
داها گلمز
یازار : amirreza | بؤلوم : تورك شعری
+0 به یه ن
داها گلمز
ای وای دئیین ، گئتدی نیگاریم داها گلمز
كونلوم بیلیرم اونسوز اولورسا داها گؤلمز
اینصاف دَییر گؤز یاشیمی سیلمیه گئتسین
اونداندا قالان گؤز یاشیمی هئچ اودا بیلمز
دونیاده بوتون هر نه كی وار، اولسا گؤزل لیق
سندن بو گؤزوم اونلارا ساری كی دؤنولمز
بیر عمر دانیشدیق ایكیمیز جان دیه نیدیق
ایندی سه نه چون بیر قاییدیب هئچ منه دینمز
مندن یول آزیب اؤزگه كؤنولدن یولا چاتدین
سنسیز بو كؤنول آیری كؤنولدن كی دیلنمز
گول گولدی آما گول ده كی بیر گؤن سولاجاقدیر
سن بس دئمه كی گولده قالیب بیر دَفه سؤنمز
سئودادا اولان یوخ هَوَسی ،جان مایا قویموش
ایندی بیلیرم سنده هَوَس وار كی سیلینمز
گئتدین داها گئت آمما قاییتسان بونی بیل كی
اؤلموش اوره گیم سنده گلیرسن دیریلنمز
آراز