سن سیز ای گول كونلومون بیر دم قراری یوخدو، یوخ
یازار : amirreza | بؤلوم : تورك شعری

سن سیز ای گول كونلومون بیر دم قراری یوخدو، یوخ
سن دن اؤزگه، نئیله سین، بیر غمگساری یوخدی، یوخ
درد هیجرین چاره سی هرچند بیلدیم صبرایمیش
نئیله ییم، بالله بو دریانین كناری یوخدو، یوخ
لئیلی- لئیلی سؤیله ییب چوخلار دئییر كیم عاشیقم
لیك مجنون تك اونون بیر داغداری یوخدو، یوخ
گوللری، بولوللری، آب و هاواسی چوخ گؤزل
حئیف كیم بو گولشنین بیر گولعذاری یوخدو، یوخ
هئچ عیبین یوخ، گؤزلیك هامی سنده جمع دیر
نئیله ییم آمما كی، عهدین اعتباری یوخدو،یوخ
سن نه بسلرسن بو ترلانی نباتی، روز و شب
من بو داغی چوخ دولاندیم بیر شیكاری یوخدو، یوخ
"ابوالقاسم نباتی"
لای لای چال منه
یازار : amirreza | بؤلوم : تورك شعری

باهار گونی گونوم زیمیستاندی گل
فكرائدمه كی باغیم گولوستاندی گل
هیجرووا سیزلیان نیستاندی گل
ده سلر اولوبدی لای لای چال منه
گؤزلریم یورولدی آغلاماخدا بیل
قونشولار یورولدی یوخ لاماخدا بیل
ووردلار سوزونن
اوخلاماخدا بیل
ده سلرگدوبدی لای لای چال منه
اورگیم محنته قالاندی اولدوم
یامان
گونوم عمروم تالاندی اولدوم
جانیمین شیشه سی جالاندی اولدوم
ده سلر یاتوبدی لای لای چال منه
گدنده كوسموشدون ایندی باریش سن
دانیشدیم دینمدون گولوم دانیش سن
عمروموز قورتولور منه قاریش سن
ده سلر سولوبدی لای لای چال منه
دلنوشته سلمان عبدی زادهمنبع: http://salman8.blogfa.com
گلمیشم
یازار : amirreza | بؤلوم : تورك شعری

گلمیشم من برا تا بردا یانام عشقووا بیل
ایندی بردا یری واردور اینانام عشقووا بیل
سنون عشقون منه آز اولسادا من چوخ گوررم
یری واردور كی گنه دالدالانام عشقووا بیل
اوركیم الده گوتیردیم . گنه گلدیم قاپووا
قویما بوردا داها من خ ردالانام عشقووا بیلمن بو آیدین لیقی سنده گورورم شك ائلَمه
ایستمه كی گنده تار اولونام عشقووا بیل
منده احساس بودور سیراولاجاق تشنه جانیم
گل گنه قویما داها یانقولانام عشقووا بیل
من برا گلمگینن جسمیمه روحیم قاریشیب
منی آتسون گِدیرم پارچالانام عشقووا بیل
چوخ زماندور نیگرانم داها شاد اولمامیشام
من ده بوردا گلیرم شاد اولونام عشقووا بیل
قویما مجنون سایاغی منده بیاباندا قالام
اولگنان سن ده زلیخا جالانام عشقووا بیل
منه ثابتدی كی خلق اولمازیدیم آیری ایشه
سنه خاطر ددی آلل ه یارانام عشقووا بیل
منی فرهاد كیمین گر داغا مأمور ائدسون
بیلینر ایستییسن كی تالانام عشقووا بیلنچه ایل لردی كی من دوشموشم آیری گوزلیم
ایسته سون ایسته ییرم تا بلانام عشقووا بیلگر عقاب اولسا ووجودیم سنیلن سار اولارام
ایندی بردا یئری وار خردالانام عشقووا بیل
شعری از سلمان عبدی زاده
منبع:http://salman8.blogfa.com
من بیلیرم
یازار : amirreza | بؤلوم : تورك شعری

بیركسیم قالمادی هئچ قالمیاجاق من بیلیرم
بوقالانلاردا سؤزوم سالمییاجاق من بیلیرم
آشمییب دور نه گَلن یا كی گِدن بوقاپینی
طوفانین قدرتیده آشمییاجاق من بیلیرم
چمن عشقیمین اودلاری سارالدی قورودی
قؤرویان اودلاری جان تاپمییاجاق من بیلیرم
من قوری بیر آغاجام آفت ایاقدان چیخادیب
باغیبان گؤرسه نازیم آلمییاجاق من بیلیرم
گؤزلریم یولّارا باخدیقجا هوسلر چوخالیر
گرتوشم من یولا كس یانمییاجاق من بیلیرم
من اؤزعشقیمده كی مظلوملوغی گوردیم نه دئییم
داها بو عشقی آلان اولمییاجاق من بیلیرم
چوخ زمان دور گؤیه من هی باخیرام آی گوروشه
مه دومان دوشمان اولوب قویمییاجاق من بیلیرم
چاتمادی لیلییه مجنون ناغیل غملی قالیب
یارنا عاشق اولان چاتمییاجاق من بیلیرم
عمریدن قالمادی خوش گونلریمیز هاردا قالیب
داها گونلر بیزه خوش باخمییاجاق من بیلیرم
گون به گون دردگلیر قلبیمه چوخ قان قالانیر
بیرنچه گون سووشور چالمییاجاق من بیلیرم
دلنوشته بنده حقیر
تئللرینه شانه سئوگیلیم
یازار : amirreza | بؤلوم : تورك شعری

وورما اوقاره تئللرینه شانه سئوگیلیم
ائتمه منی بلاكش دیوانه سئوگیلیم
یاندیردی حسرتین منی، گؤستر جمالینی
كؤنلوم اولوب اول آتشه- پروانه سئوگیلیم
بیر دفعه ائیله دیمسه، تمنای وصلینی
یوز دفعه یاندیم- آتش هجرانه، سئوگیلیم
گزمه رقیبله منی غیرت هلاك ائدیر
سالما بلالی عاشقینی قانه سئوگیلیم
گؤسترمه قاره خالینی، كؤنلوم فغان ائدیر
قوش، دهن، گؤرنده تئز گلیر افغانه سئوگیلیم
یوز لیلی گؤرسه حسنونی مجنون اولار سنین
عشقینده اوز قویاردی بیابانه سئوگیلیم
انصافی اولسا چرخ، بو بیچاره «واحدی»
حسرت قویارمی، سن كیمی جانانه سئوگیلیم؟
شعر: واحد