گونشلی

ای بیوفا كه عادت اولوبدر جفا سنه

باالله جفادرـ اولما دئمك بی وفا سنه

گهه ناز و گهه كرشمه و شیوه در ایشین

جانین سئوونلر اولماسا ای آشینا سنه

مین جان اولایدی كاش منی دل شكسته ده

تا هر بیریله بیر گز اولایدیم فدا سنه

عشقینده مبتلا لیقیمی عیب ائدن سانیر

كیم اولماق اختیار ائله در مبتلا سنه

ای دل كه هجره دویمایپ ایستر سن اول مهی

شكر ائد بو حاله یوخسا گلربیر بلا سنه

ای گل غمیندن اشگ رخ زردیم ائتدی آل

بیلیردی اولا صورت حالیم صبا سنه

دوشمه ز چو شاه قرب فضولی گدالره

اول شاهیدن التفات نه نسبت منه، سنه

شاعر: حكیم محمد فضولی

روزگاریم بولدی دوران فلكدن انقلاب

قان ایچینده ئولدوم ایاق چكدی بزمیمدن شراب

شعله آه یاندیردیم دیلی سر گشتیه

بیر اوداولدوم جیزگه نن جورمده اولمازمی كباب

لعلین ایله باده بحث ائتمیش ذهی گمراهلیق

اولدی واجب ائیلمك اول بی ادبدن اجتناب

وئرمه زاولدی یول وصاله پیچ زلفون آه كیم

رشته تدبیردن دوران كجرو آچدی تاب

اولمادی اول ماهه روشن یاندیقیم هجران گونی

یاندیقین شب تا سحر شمعین نه بیلیسین آفتاب

گوزكه پیكانین قاپوب گوگدن ساچار هریان سرشك

بیر صدفدر قطره بارانی ائیلر درّ ناب

اولدی ابر دودی آهیم پردۀ رخسار ماه

آه كیم آلماز جمالیندن هنوز اول مه نقاب

كسمه دی مندن سر كوینده آزارین قریب

ای فضولی جنت ایچره نئجه یوخ دئرلر عذاب

شاعر: فضولی

ای ملك سیما كه سندن ئوزگه حیراندر سنه

حق بیلیر انسان دئمه ز هر كیم كه انساندر سنه

وئرمییه ن جانین سنه بیلمه ز حیات جاویدان

زنده و جاویداونا دئرلر كه قرباندر سنه

عالمی پروانه شمع جمالین قیلدی عشق

جان عالمسن فدا هر لحظه مین جاندرسنه

عاشقه شوقینله جان وئرمك ایكن مشكل دگل

چون مسیحی وقتسن جان وئرمك آساندر سنه

چخسا یاریم گئجه لر اغیار طعنیندن ساقین

سن مهی اوج ملاحت سن بو نقصاندر سنه

پادشاهیم ظلم ائدیپ عاشق سنه ظالم دئمیش

خوبرو لردن یامان گلمه ز بو بهتاندر سنه

ای فضولی خوبرو لردن تغافلدر یامان

گر جفا هم گلسه اونلاردان بیر احساندر سنه

فضولی

شفای وصل قدرین، هیجرایله بیمار اولاندان سور

زلال شوق ذوقون، تشنه‌ی دیدار اولاندان سور!

لبین سیرّین گلیب گفتاره مندن، ئوزگه‌دن سورما

بو پنهان نكته‌نی، بیر واقف اسرار اولاندان سور

گؤزو یاشلیلارین حالین نه بیلسین مردم غافل؟

كواكب سرینی، شب تا سحر بیدار اولاندان سور!

خبرسیز اولما فتّان گؤزلرین جؤرون چكن‌لردن

خبرسیز مست‌لر بیدادینی، هشیار اولاندان سور

غمیندن شمع تك یاندیم، صبادان سورما احوالیم

بو احوالی، شب هیجران، منیم‌له یار اولاندان سور

خراب جام عشقم، نرگس مستین بیلیر حالیم

خرابات اهلی‌نین حالین، یورو خمّار اولاندان سور

محبّت لذتیندن بی‌خبردیر زاهد غافل

فضولی! عشق ذوقون، ذوق عشقی وار اولاندان سور

شاعر: ملامحمد فضولی

گوزلرین قاره سینـه بیر نیچه قربان دیمیشم

قاشلارین طاقینـه قربان یرینــه جان دیمیشم

راز پنهانیمی خلق ایچره منیـم فاش ایله دیـن

بی وفا، من كی سنه سریمی پنهان دیمیشم

خوبلــر جمله گدادیــر سـر كوینــده سنیـن

سنه بو خوبلــر ایچــره مـه تابان دیمیشــم

قاشینا تیغ دیدیـم قانیمی تو كمك نه ایچـون؟

توت كی، ظالیم، نولا بوباره ده بهتان دیمیشم

اینجییوب چیخسا سینه مدن یری وار پیكانین

كی، نیچون باغریما گلدیكجه باسوب، جان، دیمیشم

واحدم، قویمایین، ئولدوردی او مهپـاره منی

سهو ایدوب گل اوزونـه مهر درخشان دیمیشم

شعر: علی آقا واحد